Բայց ուզում եմ նշել նկատածս: Ուսւոցչուհու խոսքում սխալ էր հայերեն "լ" հնչյունի արտաբերումը. մեղմացվում էր յ կիսաձայնի միջոցով "լյ": Բացի այդ դասի սկզբում ուսւոցչուհին ինքը Վինի Թուխի մասին խոսելիս կրկնում էր "ՊուԽ" տարբերակը, ինչը, հասկանում եմ, որ լեզվի սայթաքում էր և ռուսական տարբերակի ազդեցություն: Բայց լավ կլինի, որ ուղղվի այդ թերությունն էլ, չնայած դասի վերջում կարծես թե արդեն հայերեն Թուխ տարբերակն էր հնչում:

Նախ ուզում եմ շնորհակալություն հայտնել գաղափարի համար, իսկ ուսւոցչուհուն' իր դասը հանրայնացնել համաձայնելու համար: Շատ լավ է, որ դասարանում ընդամենը 12 աշակերտ կա, ի տարբերություն մեր դպրոցներում ընդունված կարգի, երբ դասարանում շատ ավելի շատ աշակերտներ են նստած, ինչը ամբողջությամբ փոխում է ուսուցչի աշխատանքի տրամաբանությունը: Դասը, կարծում եմ, նորմալ անցավ, և լավ էր, որ ուսուցչուհին երեխաների հետ իսկապես հարգալից էր վարվում: